نوفمبر 14, 2018

الأسباب  الحقيقية للطلاق..

الأسباب  الحقيقية للطلاق..

الأسباب  الحقيقية للطلاق..

كتبت.نجلاء عبدالعزيز

نسبه كبيره من نسب الطلاق ، او الناس ال عايزه تطلق بنلاقي ان الطرفين اشخاص محترمه جدا ، يعني راجل مهذب وناجح ومحترم ، وانسانه بردو مهذبه وناجحه ومحترمه بس مش قادرين يكملوا مع بعض ..

 

السبب ف الطلاق ، مش خيانه ولا بخل ولا لسان طويل ولا كل الاسباب ال كنا بنسمع انها اساس الطلاق ..

 

السبب المنتشر حاليا بيكون انهم مش عارفين يحتووا بعض .. كل طرف مش عارف يملي المساحه الفاضيه ال جوا التاني .. كل طرف مش قادر يلبي الاحتياج النفسي والعاطفي للتاني .. كل طرف مش عارف يحب التاني الحب ال هو محتاجه وال هيخلي عنده اشباع عاطفي ..

 

لو عايز بيتك يبقي ناجح لازم تكون مكفي مراتك ، وتكوني انتي مكفيه جوزك ..

 

تكفي مراتك مش اكل وشرب ولبس وفسح وسفر  .. كل ده حلو بس مش اهم حاجه ، الاهم انك تكون مكفي احتياجها من الحب والحنان ، احتياجها للطبطبه والحضن الحنين الصادق وقت تعبها ، احتياجها لاحساس الامان والدفىء .. احتياجها من الفضفضه والكلام .. احتياجها لشويه لحظات حب وعشق .. وشويه لحظات جنون ..

 

اتكلموا مع بعض عن احلامكم وطموحاتكم وعايزين بكره يبقي ازاي ، اسمعها واسمع مشاكلها حتي لو بالنسبه ليك مشاكل تافهه ، اسمعيه بقلبك قبل ودانك وشوفي بيفكر في ايه وشاركيه افكاره وطموحاته ..

 

بيحب متشات الكره ، اتفرجي معاه علي الدوري .. بيحب يلعب بلاي استيشن اتعلمي تلعبيها عشان خاطره ..

 

هي بتحب الافلام النكديه والمسلسلات التركي ، خصص من وقتك ولو مره في الاسبوع واتفرج معاها فيه علي الحاجه ال بتحبها ..

 

الحياه الزوجيه مش انكم عايشين في بيت واحد بتاكلوا وتشربوا وتناموا وتشتغلوا كتير وتجيبوا فلوس وتربوا العيال ، الحياه الزوجيه ” احتواء” ..

 

احتووا بعض ، واحتووا مشاعر بعض ، واظهروا حبكم لبعض ، وقولوا لبعض الكلام الحلو ال مهما بنكبر بنحتاج نسمعه ونحسه ..

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com