الايس: كيف أولاد الذوات

الايس: كيف أولاد الذوات

كتبت.نجلاء عبدالعزيز

** مصر دخلها الايس !
ايه الايس دا .. دا مخدر اخطر مليون مره من الاكستازى و الاستروكس و اعراضه مميته

** الكيلو منه بكام ؟ الكيلو ب 8 مليون جنيه

** ليه اسمه ايس ؟ هو فى بلادنا اسمه الايس او الشابو
لانه بيشبه حبات التلج ..
و فى اوروبا بيسموه الكريستال المخدر او crystal drug
لانه يشبه الكريستال

** المخدر دا موجود بكثره رهيبه فى دول الخليج
خاصة الكويت والبحرين

** الرجاله بتاخده على انه بيزود القوه الجنسيه
لكن اللى هما مش عارفينه ان دا بشكل مؤقت زيه زى الترامادول
وبعد كده بيعمل عجز تام

** اعراضه ؟؟ اعراضه مميته .. توقف القلب اخف حاجه فيها
بيوصلك لنفس مرحلة مخدر الفلاكا .. بيحولك زى الفراشه
طاير ومش حاسس بحاجه .. ترمى نفسك قصاد قطر
ترمى نفسك من فوق عماره .. تقتل تدبح .. وانت مش حاسس

** المخدر دا دخل مصر؟؟ للاسف حاليا المخدر موجود جوا مصر
اتمسك بعض الضبطيات ولكن .. هو موجود وبدأ ينتشر ودا خطر جدا

** معلومه : …
المخدر دا غالى جدا جدا زى ما قلت الكيلو بيصل احيانا ل 10 مليون جنيه
لذلك .. اول حد دخل المخدر دا مصر كان رجل اعمال مشهور
جابه للاستخدام الشخصي وكان بيوزعه على اصحابه رجال الاعمال والناس الكلاس فى قعدات الكيف .. لان المخدر دا بيسموه كيف ولاد الذوات

** بعد كده عرفوا السكه وحاليا بيدخلوه مصر
لكن صدقونى .. الموجود فى دول الخليج غالى لانه هو المخدر الاصلى المميت اصلا .. لكن اللى بيدخل مصر واللى بتفكر تاخده دا مش هايبقى ايس .. لو كان الايس مميت .. فاللى انت هتاخده مميت اكتر مليون مره
لان اللى بيحصل ان محدش هايبيعلك جيرام ب 500 جنيه
والكيلو ب 10 ملوين جنيه !!!
وفى مناطق بيتباع ب 300 كمان
اللى بتشربه دا ما هو الا جرام ايس مخلوط عليه بلاوى سوده وحبوب هلوسه و كيميا غريبة الشكل … انت بتشرب سم
وحتى لو بيور يا سيدي .. برضو زفت وهايقتلك والله

** الشباب اللى هايقرا البوست فاهمنى كويس
كل.. وانا بقول كل .. كل واحد فيييييكم سمع فى شلته
عن واحد جرب ياخد ستروكس وقلبه كان هايقف
وسمعتوا مصطلح .. ( انا حسيت انى ميت وروحى طلعت وبتفرج على نفسى )
لان الاستروكس نفسه حتى مضروب فى مصر
فما بالك باللى اخطر منه !!
جرعة واحده بيتسبب في توقف القلب
لو ماحصلش..بيحصل هذيان وافعال مميته

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com