سبتمبر 23, 2018

الحياة زي سكة سفر

الحياة زي سكة سفر

فاتن عرفه

كلنا ماشيين على السكة دي وكل واحد شايل شنطته

جوا الشنطة دي جيوب كتير منها اللي فيه حاجات تعينه على السفر وفيها الفاضي
للوهلة الأولى بيبان أن الجيوب المليانة مفيدة أكتر من الفاضية
بس انا هقولك كلمتين
أن الجيوب الفاضية معمولة عشان تشيل فيها كل اللي “بتعتقد” انه هايفيدك في الحياة
ليه بقول تعتقد؟!
لأن مش كل حاجة شايفها مفيدة هي فعلا مفيدة.
مثلا
1/عندك الأسرة والعائلة
أكتر حاجة بتفيدك في حياتك بس بييجي وقت بيبقوا هم أكتر ناس بيحبطوك مش لهدف التحبيط
بس يمكن لأنهم خايفين يشوفوك بتحاول وتفشل وفي الآخر تنكسر
مع أنهم لو دعموك وفشلت مش هاتنكسر بنفس الدرجة لأنك على الأقل هاتبقى حاسس أن في ناس مؤمنة بيك.
2/صحابك
دول في منهم أنواع منهم اللي معرفته تخربلك شنطتك وتبوظ حياتك ويشدك لورا
ومنهم اللي مهما حصل منك عمرهم ما زعلوا منك وطول عمرهم واقفين جمبك وبيساندوك وبيساعدوك تقف على رجليك لو وقعت كالعادة أصحابك أهم حاجة في شنطتك

لأن دول اللي بيكونوا معاك معظم حياتك، فاختيارهم هو اللي هايحدد مسيرتك في المرحلة دي هاتبقى ازاي.
3/ذكرياتك
ودي كل ما مليت شنطتك بالكويس منها كل ما تيجي تفتح شنطتك هاتشم أجمل الروائح ووشك بيبتسم

أما لو شيلت السيئ منها كده مليت شنطتك حجارة
ملهاش اي لازمه عبئ عليك وبس
نصيحتي لكم
الجيوب الفارغه اهم بكثير
لاني انا صاحبه القرار
كن حذر في الاختيار قبل فوات الأوان
مع تحياتي ❤

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com