اعلان جانبي متقلب
اعلان جانبي متقلب

تعي نسرق من العمر تذكار

تعي نسرق من العمر تذكار

 

بقلم / الشاعرة والكاتبة زيزي ضاهر

بتمرقي عا الهدى
يا سنين الولدنة
متل خريف مسافر
عاجناح العمر
هربان …
وحامل معه أسرارها
متل كذبة نيسان
عا غفلة بتختفي
وبتترك من العطر
شمة
ولمة
ومن الحلم بتسرق
غمرة ضايعة بها المدى
توشوش النجمات أحلامها وتختفي
وصبية حلوة
بتوعى عا سطور الياسمين
كل صبحية تتعطر بخيالها
ومن دعسة جريها
ورنة الخلخال
بتتفتح اﻷزهار عا خدودها
و عا مراية اﻷحﻻم
كتبتلك قصيدة وجع
تا بآخر المدى
شوق الحب يوصل مكتوبها
يمكن يا حلم كنت
من زمان بعيد
تسافر مع جنون الأيام
وتسكر وراك بوابة الأحلام
يمكن تهاجر عا مطارح بعيدة
وجواتها وعودك القديمة
وبليلة عتب وفراق
تتفتح حروف العمر
لي كتبت عشباك الوعد أسرارها
وتوشوش ورودك
مراية اﻷحﻻم
تا تخبرك
شو مشتاق ليكي
بس ما خبرك مكتوبي الحلو
إنك حلم مسافر
عبلاد كلها حب
مش معروف
مخبى يمكن
بالسما أسرارها
يمكن يا حلم هلوسة زوار
بتفتش عسحر ليلتك
لي طعمها ما فارق
حلم جوعان بأوله
طلي مطرح ما كنا نلتقي
يمكن نسافر بغفلة الأيام
نسرق من العمر تذكار
ونتخبى من الأسرار
بغفوة الأحلام
وجواتها بعجقة الأيام نلتقي
بها العمر ليلة بأوله
وخبيكي مع حلم جوعان ليك مطرحه
حلفتك يا سارقة
من العمر
كل العمر
خلي ربيعك الي مشوار بآخره
يمكن من جنون الحب
وتنهيدة بكي
إغزلك من اﻷيام
حلم ولدنة
وابنيلك من لهفة
الموعود
قصر ومملكة
ومن النسمات
همسة مسافرة
عا حفاف العمر
تقلك والوجع كان
رفيق دربها دموع وحكي
العمر إلك شو عطشان
من لما فارقتك
وحلمي جوعان ليكي
وحتى ضمك
شو مشتاق
نلتقي بها العمر مرة
ونكون فيها اتنيناتنا
بلا وعي

مقالات ذات صله

Powered by www.fagrelhoreya.com