أكتوبر 24, 2017

لبيت يجاور القمر

اشتقتلك يا بيت
نايم على حفاف القمر
من سحرك بتسكر النسمات
عوراق الشجر
اشتقت لا الطير الشادي
للبيت الغافي بحظن الجبل
ع الهدى بينام
وبيصحى مع حبات البرد
اشتقتلك يا حمام
لا هديلك بفي الدار
وتقلي جوعان للوطن للخلان
اشتقت للنسمات
لفراشة الوديان
تقرب ليا وتقول
تا تلحقيني وضمك
شو مشتاق ليكي
لا وردة ل بالدار تشرب من الغيم
وتقول خي سقيني شو عطشان
اشتقت غنيلك يا عطر ريحان
يا فل ومنتور طارح على الخدين
اشتقتلك يا هاك الدار
لي نايم بحظن الغار
وجبال عا الميلين
تقول للنعسان سهار
اشتقتلك يا دروب عم تغزل أشعار
تنسج عوج الشمس خيوطها وتنام
وتكتب عمد الغيم قصيدة شعر
مسافرة عوطن موجوع ليها
والغربة قدر مكتوب بعينيها
ناطرة والحلم رجوع ع دار ليها
وكل ما لمحت طير
بوصي وصيتي
ودي سلامي لا ورودو الغافية
على الحيطان بحنية
معتقة بخمرة الحنين والأسرار
واخبار تحكي حلاها للغيم
اشتقتلك يا جبال سارقة
من السما حلاها
من الورد شذاها
من الحلم صباها
قربي ليا وقولي ارجعي أنا جوعان
أقطف ورد وفل وقول يا نجم سهار
من هون خلق القمر من بلادي السمرا
من بيادر ما بتنام الا عا العز والغار
ولي زاد حلاها انها من أرض
معدنها أصيل ورجال متل الشمس
تحلالها الصولات
وبساحة الميدان
الفرس بدها خيالها
وزنودها معتقة بأنفاس عشتار
ترابها مجبولة بدم الأبطال
من أيام عزك يا دني
أنبتت ثوار
شهدا و أحرار
يا وطن غافي
بحظن الشمس
إسمه بس
حلم من لبنان
بقلمي/الشاعرة والكاتبة زيزي ضاهر

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com