نوفمبر 21, 2018

آخر الأخبار

وشو حلف ينطر خيالي العمر كله

وشو حلف ينطر خيالي العمر كله

 

بقلم الشاعرة والكاتبة زيزي ضاهر

وشو حلف ينطر خيالي العمر كله

من دون كلمة التقينا
متل نسمة ربيع
عمفارق الأيام
سرقنا من الحلم لوحة
وجواتها تخبينا
وشو حلفلي ما يعيش بدنيا
مش موجود فيها رسمي
مر خيال العمر بغفلة زمن عنا
وقبل ما يخلص المشوار
وشوشني وقلي
بحبك حتى الدني يخلص منها
حلمك وحلمي
وحتى الزمن يشيب
ولو دهر
مش همزة
بتبقي بقلبي
طفلة شقية مدللة
وعد ينطر خيالي
العمر كله
وما يسكن بأرض
موطنها مش إلي
وشو حلف يسرقلي
من النجمات .. نجمة
ويهرب معي لا زمن
ما بيهمس غير إلي
وياما حلف
عدربي يضوي شموع
ويغزل من خيوط الشمس
ﻻ عيوني شال
تيتخبى معي بفيات اﻷحﻻم
وياما حلفلي والقمر سهران
يبنيلي من الغيمات بيت ومملكة
ويتوج جبيني بعقد عشتار
ويمكن بليلة قمر نسرق
من الهمسات سحر الولدنة
وهونيك بآخر المشوار
نطير بها الدني
وننسى بعجقة الأحلام
مين انت .. ومين أنا
بس أخ يا خسارة الحلم
ويا غبن اﻷيام تمرق
بلا وعد ومملكة
ويسبقنا ربيع العمر
بلحظة مشيطنة
ونفترق من دون سﻻم وﻻ كﻻم
ويهرب منا زمان الحب لي كان
وتذبل الكلمات عشفافنا
من دون حكي
ويسافر الوعد لي كان
لا مكان بعيد
مش مسكنه إلي
ويهرب متل خريف الأيام
عمكان بعيد
وما يترك بحرقة المشوار
لنو خبر إلي

 

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com