أغسطس 25, 2019

عناوين الأخبار
Sky معمار المرشدي
Sky معمار المرشدي

اصل الحكاية “من ايام لاتتزوج مصرية ” وخليها تعنس” نأتيكم بالزتونة !


كتبت/ أميرة محمد
الحكاية بدأت ببعض المخلوعين السيكوباتيين النرجسيين عملوا جروب علي مواقع التواصل الاجتماعي يشتكوا ازاي المرأة مابقتش جارية؟!! وليه مش عارفين يمارسوا امراضهم وازاي تتجرأ الستات وتفتدي عشان تخلع وكمان بعد الخلع آل ايه بتطالب بنفقة للصغار!!!
والحملة دي بقي قالت انه القوانين استهتار !! ازاي يبقي في قانون يجبره علي الانفاق ولا قانون يردعه شوية عن الصراع والنفاق !!
المهم الحملة هددت وتوعدت نساء مصر وبدأت في حرب التشوية وبدأو كالسرطان وسط الناس ينتشروا بافكارهم ويجمعوا المخلوعين كلهم وماوقفش الموضوع علي المخاليع لا !! لاموا معاهم الابطال الحقيقه وراء خراب بيوت مصر (الجدات والعمات) الحيزبونات ! وبدأو ينتشروا بقي بذكوريتهم ونرجستيهم علي مواقع التواصل الاجتماعي يصرخوا ،ويمثلوا، ويعيشو دور الضحية وبقدرة قادر الجلاد بقي مجني عليه ومش عارف يمارس قوامته اسم الله عليه ! واما مافلحوش قامو قدموا مقترح قانون اسمه الفنكوش ، مقترح فاشوش ومقدمه مخلوع لابسهم الطربوش ، فهمهم انه هو ده الي هيجيب حق الرجالة الي مايختشوش !!
وبعد ما لبسوا الطربوش وقدموا مقترح الفنكوش واتأكدوا انه فاشوش والدولة قالت كلمتها مايلزموش !!
قام مخلوع معروف بهيئته جربوع،، عمل دعوة لعدم الزواج من مصرية المرقوع !! وقدم وقتها البديل وسوق للزواج الارخص وانضمت لهم الرخيصات ، وبعد ماهني رخيص برخيصه ، وعملوا هوليلة وهيصة ، وهنوا وباركوا ، بردوا اتخلعوا !! يقوم يعمل ايه ابو مخ بلالانس ؟!! قالك هو انا هجيب الغلط عليا ؟؟!! لا احاول اهينها هي ! وبقي يقول سبب الخلع يا اكسلانس،، هي المصرية !! خليها تنور بيت ابوها وتعنس .. ولبس نرجسيته للقوانين ، معلش اعذروه ما هو اصله جلده تخيين ،، مش قادر يواجه نفسه انه في الطلاق من الجنسيتين العامل المشترك ، وبما انه دكر بط بلدي قعد وبرك ، شغل المصاطب راح قدم علي قعدات النسوان واشترك ، ال يعني بيهدد انه لو ما بطلتيش تخلعيني انا هسيبك ! وطبعا كدة هتخسر ابو كرش الي العشرة منه مايسواش حتي قرش!! والي لا محسوب علي الجنسية ولا حتي ع الرجالة والي ماحد منور جمب امه الا هو الي عايش عليها عالة ، وكل املاكه حساب ع الفيسبوك عامل فيها غنضفر وداخل ال يشتم النسوان ويدافع عن الرجالة !!
قامت الرجالة ما سكتتش ! عملت منه سندوتش ، كلته اكل وبصقته ، واتبرت منه ومن حملته ، ردوا عليه وانت فاكر نفسك راجل يا جعر ! داحنا نستعر اننا نقول عن اشكالك راجل والي كانوا بيقولوا عليه نينجا طلع ترتر !!
وبعد ما الناس فرمتهم ستات ورجالة ألشتهم ، كلوهم تريقة وعملوا من حملتهم مفتئة ، بردوا لسه في ناس منهم مصدقة انهم مكسب واما يتجوزا من برة المصرية كدة هتندم وترجعلهم راكعه وتقولهم لا والنبي اتجوزني اوعوا تمشوا وتعنسوني يا الي صيتكم سابقكم ، دا الفيمنست الي سيبتلهم دماغي يلعبوا فيها ويبوظوني !! تصدقوا انه فعلا خيالهم !! والله فعلا ده تمامهم ! المصرية حرقاهم وفاتحالهم مزارع دود بطلة منها مغذيايهم ! الله عليكي ياست الكل ياكايداهم . الحكاية انه العرر دول مش كتير ولا يمثلوا الجنسية ولا يتحسبو عالرجالة ، الحكاية انه دول شوية طراطير ، الي مزابل التاريخ وكلامهم زي السبرتو في ثانية يطيير .. مافيش مصرية بتهدد بالعنوسة يا نانوس عين امك رضيع الجاموسة ! المصرية لو انت ماتجوزتهاش ولا تفرق معاها بنكله ولا يهزهاش شوية اوباش .. عمر التفة ماتطفي الشمس يا سلعوة فاكر نفسك نمس ! خليك منسون وده تمامك والكلمتين دول ليك هما لجامك .
اما بقي بالنسبة للحيزبونات مرضي المسيوجينية الذكوريات فانتم شوية عاهات فاكرين نفسكم حاجات معاهم الي مزابل التاريخ يا برطات ، المصرية الجنسية الوحيدة الي بتشارك بالنص في التأثيث ، بتساعد في التجهيز وربع مسجونات مصر غارمات بسبب تجهيز الامهات للبنات والنطع لا بيشلها جميلة ولا يشكر ال فاكر انه الرجولة انه يشخط وينطر !! طب سدد ما عليك ولا شيل الجوازة من اولها لاخرها يا حيلة والديك !! ولا انت عاوز تتجوز ببلاش !! بتقول بتدفع نص مليون في الجواز يا هتاش؟؟!! دانت في نطاعتك مهما عيشنا لسة ماشوفناش !! المصرية بعد الجواز بتاخد لقب معيلة وانت عمال تسيء ليها الي ارجل منك يا حيلة ! عامل ليه ظيطة وهوليلة ؟!! ياخي اتنيل علي عينك وشيل النيلة ! تعرف تتعلم الرجولة من المصرية الاصيلة؟؟!! تعرف تقوم بالدورين ؟! اب وام وشغلتين؟؟! طب لو راجل جهز بيتك من الالف للياء !! وماتخلهاش تدفعلك عشان تتجوز ياملك الغباء ! ولا عاوزها كمان هي الي تشيل كل التكاليف يامعدوم الحموم ناقص ليف ! انضف كدة وبلاش قذارة الرجولة عمرها مكانت امك تدخل بيوت الناس تتشرط وبأمارة ! انا ابني يجيلة احسن حاجة ده الحيلة عبوله الشكارة !! ياعم اسكت واكفي علي خيبتك ماجور ! دا انت وامثالك المصرية تقولك بالسلامه غور ! طرطور فاكر نفسه امور ! وهي لو عنست كدة انت اسم الله منصور؟؟!! ولا انتصرت عليها يالي ماتجيش جزمة في رجليها؟!! ماتروح تنجوز من اي داهية .. !! حد ماسكك ولا هي اي لاهية ! ماعرفش ليه فاكر نفسك مكسب ! خليك مصدق نفسك ! وكل اما تتكلم عن ستك وتاج راسك بتطلعلك سيدهاتك وتفضح حركاتك .. انت الخسران مش هي يا عرة الامة العربية .. وتوتة توتة خلصت الحكاية الصغنتوتة .

مقالات ذات صله

حرية الراي ،، دقة الخبر

Powered by www.fagrelhoreya.com