أكتوبر 23, 2019

NBE
NBE
عناوين الأخبار
الحرية المصري
الحرية المصري
Sky معمار المرشدي
Sky معمار المرشدي

المصريون راضون عن المسار الحالي ولا يفكرون في التظاهر

كتب يوسف الحنفي

“مفيش ثورة بتيجي فجأة”
السؤال صح، مش يا ترى بكرة في ثورة ولا لأ.. السؤال الصح، امتى ممكن تقوم ثورة في مصر؟
المصريين زي أي شعب في الدنيا، عاوزين استقرار وأمن وأمان وحياة كريمة، أول ما الحاجات دي تروح منه هيغضب، وبالتالي هتكون الثورة حتى واحنا عارفين إنها تغيير عنيف بل وخطر وخاطئ من الخيارات المطروحة طيب هل ده متحقق في مصر دلوقتي؟
تعالوا نرجع بالزمن شوية ونشوف بداية الموجة اللي بتحصل دلوقتي من فين، البداية كانت من فيديوهات شخص مدّعي اسمه محمد علي بيوزع اتهامات بدون أدنى دليل بيستهدف بيها الجيش والرئيس
كام مظاهرة خرجت قبل كلام محمد علي؟ صفر
كام مظاهرة حرجت خلال الأسبوعين اللي فاتوا بعد كلام محمد علي؟ صفر
كام مظاهرة خرجت بعد رد الرئيس السيسي على محمد علي؟ صفر
كام مظاهرة خرجت بعد ظهور وائل غنيم؟ صفر
كام مظاهرة خرجت بعد ظهور مسعد أبو فجر؟ صفر
كام اضطراب حصل في سيناء بين أهالينا والجيش بعد الإدعاءات الكاذبة على اللي استهدفت شرعية حرب القوات المسلحة على الإرهاب؟ صفر
كام مظاهرة خرجت بعد الجولة الأخيرة من ترشيد الدعم في يوليو؟ صفر
كام مظاهرة خرجت بعد زيادة أسعار الكهرباء؟ صفر
طيب في ايه؟ في ثورة بتطلع فجأة كده؟ قبل 25 يناير كان في مظاهرات ممتدة على مدار الـ5 سنين اللي قبلها، وطبعا كان في احتقان كبير في الشهور الأخيرة قبل يناير، قبل 30 يونيو كانت البلد كلها بتغلي باستمرار ضد الإخوان.. النهاردة فين الغليان؟
أما ليه عدد المظاهرات صفر؟ فببساطة علشان الشعب موافق وراضي عن المسار الحالي، ده التفسير المنطقي بناء على كل العلوم السياسية، لإن أي كلام عن قبضة الأمن مثلا هيكون كلام ساذج جدا.. يعني في 25 يناير كان المتظاهرين متفقين مع الأمن؟ الناس لما بتغضب ماحدش بيقدر يوقفها، ولما بتكون راضية عمرهم ما هيشاركوا في أي مؤامرة

مقالات ذات صله

حرية الراي ،، دقة الخبر

Powered by www.fagrelhoreya.com