أكتوبر 18, 2018

آخر الأخبار

إهدى حبة

إهدى حبة

كتب/ عبد الله الخطيب
حبه حبه
لسه قلبك بالمحبة
لسه طازة
لسه اخضر
عقد فل يادوب مزهر
حبه حبه اهدى حبه
اوعى قلبك يستخبه م المحبه
وان ف يوم دقة بيبانه
افتحيله الباب بسرعه
واحضنيه
واوعى قلبك يستخبا
دانتى قلبك لسه نونو نونو
لسه راضع م المحبه
والغناوى الحلوة جاية
لحن طارح بين ايديكى إهدى حبة
حبه حبه
لسه قلبك بالمحبة
لسه طازة
لسه اخضر

حلم حاضن نن عينك
ضحكة طاله من شفايفك
طلعيها
واضحكيها
وارسميها لكل شفه
للأحبه حبه حبه
وافردى للدنيا إيدك
جايه دنيا جديدة لسه
حاطه ايدها بين إيديكى
مدى ايدك وابدريها كتير محبه
أصل قلبك لسه طازة
أوعى منه ليستخبه
حبه حبه واحضنى القلب اللى حبك
احضنيه وافتحى شبابيك عيونك
أوعى منه ليستخبه

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com