أكتوبر 18, 2018

آخر الأخبار

الطلاق الصامت جرثومه تغزو البيوت

الطلاق الصامت جرثومه تغزو البيوت

كتبت.نجلاء عبدالعزيز
في البداية لابد ان ندرك أن وصول نسبه الطلاق العلنى فى مصر خلال السنين اللى فاتوا هو ١٨٠٠٠٠ حاله طلاق فى السنه اما عن الطلاق الصامت بداخل البيوت أضعاف النسبه دى
ويعرف الطلاق الصامت هو ان تكون ح حضرتك كاره ورافض الحياه مع الطرف الثانى بس مكمل معاه لاسباب أخري وه
١- وجود الأولاد والإحساس بتأنيب الضمير والذنب ان حياتهم هتتشتت
٢- عدم وجود مورد مالى للزوجه غير الزوج
٣- الخوف من الوحدة
٤- نظره المجتمع للرجل المطلق وللست المطلقه.
.معنى كده اننا بنبقى عايشين فى بيت واحد …بس كل واحد فينا فى دنيا ثانيه…يعنى عيشه والسلام…يعنى بنحكم على انفسنا بالموت واحنا على قيد الحياه…ودفنا قلبنا ومشاعرنا…لظروف قهرية ونظره سطحية للمجتمع لسيادتك يعنى عايشين بجسد من غير روح
الطلاق الصامت يركز علاقتنا بمحورالبيت والأولاد .ويصير الإنفصال تدريجيا عن بعض جسديا” وعاطفيا”
فأصبح.الطلاق الصامت اصعب مليون مره من الطلاق العلنى..لانك بتعذب نفسك..وتعذب الطرف الثانى في كل لحظه عددت عليكم وسؤء بداية الاختيار بالارتباط والزواج لظروف ومبررات فارغه ينتج عنها أطفال ذنبهم انكما اب اوام لهؤلاء الأبرياء ومنها تظهر المشاعر الفاترة واللامبالاة من أحد الطرفين أو الطرفين معا بالإضافة للعنف وعدم التقدير والاحترام المتبادل بين الزوجين وبالتالي الاطفال يصبحون في تشتت بالمشاعر والتربية الغير سوية الانحدار الاخلاقي لعدم توفر الأمان والحب والاهانه لدي الوالدين
.ومن غير تحدث ولا كلام في كل ثانيه بنظرات او افعال بنقول لبعض
انت ولا ليك اى اهميه فى حياتى
انت مجرد بنك بيصرف
انتى مجرد مربيه للأولاد
انا سايبك فى حياتى علشان الأولاد وبس
.لابد من ادراك الاسباب المؤدية الي هذه العلاقه من الطلاق الصامت؟؟
١-الاختيار الغلط لشريك الحياه من البدايه
٢- عدم القدره من الاول على تفسير مشاعرنا صح ..يعنى اى احساس بنفسره على انه حب وبعد كده بنكتشف اننا مكناش بنحب من الاساس
٣- الفتور والملل فى العلاقه لأننا مجتمع ميعرفش ثقافه التجديد واى علاقه بتستمر بنفس ألطريقه تؤدي الي الملل سؤاء بالمشاعر او الجسد
٤- ليس هناك اى معلومات تعلمنا ازاى الست والراجل يفهموا بعض ويتفاهموا مع بعض…وازاى يتعاملوا مع بعض…وازاى يعرفوا يحلوا مشاكلهم وطبعا لان من التربية المسبقة كان وجود حاجز بين الاب والام مع أولادهم مما نتج ثمار رديئة
٥- الكارثه الأكبر..هى التربيه….اتربينا على عادات وتقاليد وموروثات دمرت حياتنا وقضت عليها
٦-كثير مننا عنده مشاكل نفسيه وعقد … من الطفوله…من فكره الجواز نفسها ناتجه عن علاقه أمه وابوه…اخته وجوزها…واغلب العلاقات اللى حوالينا
٧- عدم اعتراف جزء كبير من الستات وجزء اكبر من الرجاله انه السبب الأساسى فى فشل العلاقه…وطبعا طول ما احنا ما بنعترفش بغلطنا ورامين الحمل كله على الطرف الثانى ومستنينه يتغير ….هنعيش ونموت زى ما احنا
٧-مفيش صبر…يعنى الكلمه الشهيرة ( انا حاولت مليون مره وزهقت )
٨- مفيش اى تركيز خالص على كورسات التاهيل للزواج وكورسات تحسين العلاقه الزوجيه …وبنعتبرها تفاهه وكلام فارغ ورغى على الفاضى ( على فكره فى فرق كبير بين اللى بيحضر علشان يتعلم ويطبق وبين اللى بيحضر علشان يسمع وينتقد ويكابر ويقول انا بعمل كل ده ومفيش فايده )
……على فكره ربنا خلق الجواز علشان نعيش فى حب وسعاده وراحه بال
….مش علشان نعيش حياه تعيسه وحزينه
……..احنا اللى بنعمل فى نفسنا كده…..
…..الجواز يستاهل انك تتعب وتعمل مجهود علشان تحافظ عليه لانه كيان وحق مكتسب لك بالحياة انك تسعد بارتباطك بشريك حياتك في طقس ملئ بالحب والامان والاحترام المتبادل والتقدير على مانضحي ونقدمه لانفسنا .

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com