اللهم اخرجنا من هذه القرية الظالم اهلها ..

اللهم اخرجنا من هذه القرية الظالم اهلها ..

كتب/ اميرة محمد
هو في ايه يا مجتمع؟!!!
ام مخطوف ابنها عشان تتنازل عن نفقةت صغيرها ! زوجه خلعت زوجها عشان قفشته مع واحدة راح مخلي نفس الوحدة دي تعمل تسجيل اكنها طليقته عشان يتهمها بشرفها بالرغم من اعترافه بالزني مع واحدة انما عاوز مايبقاش حد احسن من حد ويسقط عنها حقوقها وكفايه انه يشنع عليها ويسوء سمعتها وتتساوي كفة المظالم!!
اشوف ام بتجري علي لقمة عيشها تلاقي الناس مش سايبنها في حالها وله غرض قذر فيها ! ولو ماوافقتش يشنع عليها !
واحدة تروح ترفع قضيه المحامي يبتزها جنسيا !!
ولما ترفض يبعها للخصم !
واحدة رايحه تتابع مكان طليقها في الشرطه عشان تستدل علي عنوان ولادها الي خاطفهم تلاقي امين شرطة طمعان فيها !
واحدة رايحه مضروبه تعمل اثبات حاله عشان تطلق يقوم بضربوله تقرير طبي ويقول ماهي الي ضربتني وقضية قصاد قضيه يا تتصالحوا ياتباتي في القسم يالي انتي اساسا مجني عليها !!
والي هناك يبصولها باحتقار كدة وهي بتنزف ووشها متشوه.. في واحدة تعمل محضر في جوزها!!؟

واحدة اتطلقت عشان بتضرب يتقالها حقه تلاقيكي انتي السبب!
واحدة تطلب الطلاق لاستحالة العيشه مايرضاش يطلق تلجا للقضاء يقولولها ملعونة الي تلجا للمحاكم !!
واحدة اتطلقت عشان طلب منها العلاقه دبرا وصمم عليها لدرجه الاغتصاب يقولولها كنتي اصبري واحتسبي !!
وجربي مدام هو الي عايز هو الي تحمل الوزر !!
وزر؟؟؟! وزر ايه ؟؟ والاذي النفسي والجسدي ليها ده هي مش موافقه دي اغتصبت يا مجتمع!
هو في ست متجوزة تغتصب دا جوزها !!
ولا واحدة اتطلقت عشان هي الي قايمة بالدورين ولقت انه عبء عليها تشتكي لشيخ يقولها حقه مدام بتستقطعي وقت من البيت للشغل يبقي وجبت مساهمتك مدام سمحلك!!
هو ماجرها ولا واخدها عقد سخرة !!
نيجي نتكلم في اجراءات التقاضي يقولك دا القانون في صالح الست !!
انهي قانون ده الي في صالح الست !!
اما القانون نفسه بيعاملها علي انها ماعون وخدامه !!
تروح فين الستات دي؟
الستات في البلد دي مالهاش الا الي خلقها اقسم بالله !
لا شرع ولا قانون ولا تنويرين ولا علمانيين ولا زفت طين نصفها !
تيجي تلجا للشرع .. تلاقي لسان حالهم تعاليلي حتتي!!
ويفضل يدورلك علي اراء فقهيه ويقولها بصي دا من حقي اعمل فيكي واسوي وباسم الدين كمان هو انا الي بقول ده ربنا !! يا ضلاليه !!
تلاقي الشيخ يفتي انها( شيء) مسخرة لتفريغ شهوته ووعاء للانجاب ! وانها لازم تداري وتطيع وتتسخر سمعا وطاعه مش مهم هي عايزة ايه ماهي ناقصه وهو عارف دورها بقي نسيبه لمزاج وهوي الزوج الي حاطينه في مكانة الاله لما صدق نفسه ونفخوه نرجسيه !! تلاقي الباشا التنويري يقولها تقلعي الحجاب عشان مغطي علي عقلك !
اتحرري اصلك عبدة ويسخرها من ناحية تانيه انه يستغلها بدون اي التزمات ! ولما ترفض يتهمها بالرجعيه !
تلاقيهم في مجلش الشعب بيناقشوا قوانين كلها ازدراء ومافهاش ادني حق انساني للام او الزوجه !! الا ملاليم النفقه للصغير !! يقولولها بالملاليم دي احنا بندفعلك كخدامة لعيالنا !! دا علي اساس انه كدة راضي ضميره وملاليمه دي بتكفيه هو سجاير لما هتكفي طفل رعايه كامله شاملة !
في ايه ياعالم مالكم ايه المرض ده؟ ما هذا العفن ؟
ماهذا الغباء والجهل والعنصريه ؟؟
اعلي نسبة طلاق في العالم !
الي يتزنق يرميها ع المراة !
عاملينها حرب ع المراة ليه؟ بتتشطروا ع النسوان ؟!!! الي يسيء اليها بقي بوب واد مخلص ودكر !
والي يقول كلمة حق فيها يبقي بيشقط !
والي يعمل نفسه متفتح عشان يشقط فعلا!
والي يعمل اكونت باسم ستات ويندس وسطيهم علي انه ست !
والي يلبس نقاب عشان يدخل حمام الستات !
والي يلبس طرحه ويتقفش في مترو!
والي ينزل يتحرش في المواسم والاعياد وطلعنا مركز اول عالمي في اسوا كل شيء !
والي يلزق قضيه التحرش انه البنت هي السبب !
والي يقولك لازم تتختن عشان يعرف ابو نسبة عجز جنسي واعلي انفاق ع المنشطات يتعامل معاها؟
ونفس الشخص العاجز الي جهزته عشان يتجوز الي بيقولك حقي التعدد !! ويعملوله مبادارات للتعدد؟؟ منين مش لاقي الشباب يتجوز ومنين عاوزين تعددولهم هما عارفين يفتحوا بيت واحد ولا يحافظوا علي بيت واحد لما تقولولهم مثني وثلاث ورباع؟!! يقولك اه ماهي لازم تجهز وتتنازل عن الشبكة واي حق من حقوقها هي تتنازل هو ماعهوش يتجوز وعايز يعدد!!
ايه يا مجتمع !
ولا الاساءات علي مواقع السوشيال ميديا ..!!
تحقير دايما واساءة للست والبنت !
مقارنتها بالاجنبيه ! طب مابلاش انت والنبي!
وياريت بيقارن نفسه بالاجنبي !الا شايف نفسه هيموتوا عليه وعلي جمال امه ! ايه النقص ده ما تروح تتجوز الاجنبيه حد مسك فيك ! واما انت عايش ومستكنيص معاها بتجيب سيرة المصريه ليه؟ كانت مرات ابوك هي ؟!! مغلولين منها ليه كدة بجد؟!! تسمع عن نجاح مصريه يجيلك تبول لا ارادي ! ليه ياعم الحاج؟! لو غيران اعمل زيها وافلح !
نطاعه ازواج بيتعامل انه مراته دي امه ! تصرف عليه ..
ياخد ميراثها .. ياخد فلوسها .. ولما تيجي تنفصل لازم تتنازل !؟
يعضلوهن ..!! ويقولك ماهي الي طلبت الطلاق !
يقولها ابريني ويرجع يقول انها هي الي ماديه؟
يقولك مش عايزين مساواه اشتغلوا واصرفوا علينا!!
ومساواة ايه دي الي تخلي واحدة تجهز شاب وتشتغل وتصرف عليه بالاكراه؟؟!!
يقول خلاص منا من حقي امنعها من الشغل واعدد!!
يعني اما تشتغلي تصرفي عليا ومن غير جمايل يا امنعك واعاملك كجارية !!!

يستغل الشعارات كلها لصالحه هو المهم انه يطلع باي مصلحه وخلاص !!
ولا العواطليه بتوع البنات الي بتشتغل وتقبل باي شغل دي هي سبب قلة شغلنا وضعف الاجور!! تقعد في البيت جمبك بقي !!
ولا السوريين الي بقيت انت نفسك بتدور علي شغل عندهم دلوقت الي بداو من تحت الصفر دول ايه ؟؟! خدوا مكانك راخرين؟؟

ليه دايما بيضربوا النساء في سمعتهم؟؟!
اشوف شيوخ تصيغ الشرع كما يحلوا لها؟ ويقولك دا ختانها تكريم لها !! مكرمة من انهي اتجاه لامؤخذة؟!! فين المكرمة فانك تودي بنتك وهي طفله عشان تبتر اعضاءها؟!!
والي يقولك لا ماتفرضتش عليها خدمة الزوج طبعا انما لازم تطيعه لما هو يطلب الخدمة دي ؟! انت عبيط ولا بتستعبط !
وهي مشكلتها في خدمته ولا نطاعة حضرته وخدمه اهله هو وعزوته؟!! ولما حد من ذويها يمرض ممنوع تروحله تخدمه !
وتيجي انت بس تفتح بقك .. تلاقي بهاليل انتوا ضد الشرع ! هو حد شوه الدين والشرع ادك يا ضلالي ! يا اكلي اموال النساء وحقوقهن بالباطل !!
عاوزين ايه من المراة؟
واحدة ابنها مخطوف منها تقولوا لها دا ابوه؟!!
لا تصدق الام اول مرة تعرف انه هو ابوه !! جبت الديب من ديله انت يابتاع البديهيات يا متسلطن !!
واما هو ابوه بيروح يعملها محاضر ليه بالاهمال وهو الي خاطفه؟
بيروح يخطف طفل من الاولاد ليه ويقولها اتنازلي عن قضيه نفقتهم!!
بيساومها ليه علي ولادها بيحاربها ليه في امومتها؟
عايزين ايه م الستات؟؟
حتي الشرع تلعبوا بيه يا ضلاليه ؟
عاوزينهم يكفروا ؟!!
ليه كم الاساءة والدونيه دي للستات ليه؟
ليه اي ناقص علي باطل هو الي صوته عالي ومسموع !
وليه الحق ضعيف كدة؟
انا شخصيا لست بطرف في اي مشكله ولكن بمجرد ما بشوف الباطل ده والضلال ده ودموع الامهات دي دمي بيتحرق !
وضغطي بيعلي ووشي بينطفي وشعري بيقع وبصاب بحاله من الاكتءاب ..! مابالكم بالي عاييشين في الوحل ده !!!!
الواحد عشان يكون ايجابي يعمل ايه؟
الواحد عشان ينصر الحق يعمل ايه؟
الواحد اما يشوف المنكر ده يغييره ازاي ؟!!
ايه ده ؟ دا نبذه كمان !
كل ده ونبذه عن واقع حياة النساء في هذا البلد الي اتصنفت الاخطر علي النساء
الي اتصنفت الاكثر قهرا ! وقريبا البلد التي لن تصلح بحياه ادميه للنساء !!
انت عايز ايه من المراة يا مجتمع؟!
طب اقولك انا المراة عايزة ايه منك يا مجتمع؟؟ عايزة مجتمع يا مجتمع !!! بس مجتمع فيه بشر يحترموا انسانيتها وكيانها
مش مجتمع مريض يمارس اسقاطاته ونقصانه عليها بما انها الاضعف يا مجتمع !!
ياريتك كنت مجتمع عقيم..!! انما مجتمع مفرخه للضلال المبين ! وكمان باسم الدين !
يالا ياستات موتوا .. اختاااااه موووتي !! موتي يا مصريه .. عشان كل ذنبك اتولدتي انثي في هذا البلد !

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com