نوفمبر 15, 2018

كيف حالك يا بنت وادي الضيم

كيف حالك يا بنت وادي الضيم

بقلمي الشاعرة والكاتبة زيزي ضاهر

الا يا بنت يعرب شو جارلك
بوادي الضيم نوختي جمالك
بعلمي شمس كنتي في علوك
اجاكي البين روحلك جمالك
جعلتي بين ابطيكي عقارب
وجعوكي وشوهو جمالك
كنت بين اهلك والقرايب
عزيزه مدلله وزايد دلالك
خانوا حلاكي
وغيروا عنوانك
أنا ما بيع من ها الصف دمعة
ولا بخونك
ولا بغير بريدي
شو بخبرك يا عصفورة النهرين
عن لون الأرض ببلادك
عن أبطال ما بتشيخ
بس شيبها الزمان
عن وطن ما ارتوى إلا بثورة ولد
وحكاية سﻻم مخباية بحبر الوجع
يا لناطرة وحدك والعمر هربان
مشي معي عا وطن مهجور
هربان من صمت القهر
مسجون بزمن خرفان
مخبى من تذكارات الأيام
وعيون عم تطلب ثأر أجيال
من عهد والباقي أسماء منسية
بس بحيطان الزمن محمية
وأمة العرب نايمة بحظن الجبان
وحتى تفيق بدها ربيع ثاني
يمكن ياخذ معه لي بقي منك
شو بخبرك يا بيلسانة الأحلام
مش عم يشبه حدا
ها الزمان اليتيم
يا ذاكرة الحزن
وجنون الخريف
زوار نحن جينا عا الدني
وأحرار يا وطن كنا ومنضل
ولو جار الزمان
يا زهر السوسنة
بسميك ثورة وحجر
وأطفال معمدة بحبر الدم والبكي
مش إنت لي بتشبه حدا
يا بطل من رحم مجبول حرية
انتفاضة وجع أنت ورجوعك
وحلم مش موجود بكتاب
وﻻ بقصيدة منسية
مش نثر … مش كلمات
وﻻ أوهام مسافرة بتاريخ أسطورة
حروفها عرب منتهية الصلاحية
مسيرة شعب أنت بتاريخ الحلم
كتبت ملحمتها أجيال مقهورة
مش عنوان انكتب بصفحة الحرية
وﻻ حروف انكتبت عا مسارح الأيام
مش إنت لي بتموت وبتترك ثارك
أو ورقة خريف بتكتب وداعك
مش حقيقة إنك بتهرب
وتبيع أمجادك للجوعان
عودتك مكتوبة عا مهب الريح
ومهما قسي الزمان وجار
بواب الحلم رح تبقى فيك مسكونة
موعودة فيك تنتفض عا الذل
من جرح المسيح لي انتصر بالدم
ومهد بمغارة ناطرة سرار السما
تا تعمد وقفتك بيوم الدم
وحدك لي بتكتب بحبر الوجع
نصرك .. وعامد الكون
أحفر عهودك وارفع راية النصر
وأكتب بدمك الحر
إنك فلسطيني
خلقت حتى تكون
قصيدة مسافرة عجناح خيال
وفرسان تشق غدر الليل
وتقول للمحتل من بﻻدي طﻻع
ببﻻد الحب ما في الك نصيب
وقبل ما يهرب صوت الشر
ويتخبى بكابوس دجال
أكتب عوج الغيم نصرك
وإنك حقيقة مش وهم
خلقت من ثورة وحجر
إسمها فلسطين

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by www.fagrelhoreya.com